(العصفورة ) للشاعر سيد يوسف مرسي

(العصفورة )
العصفورة جات أمبارح 
فضلت تجري
فوق الكبرى
راحت تحكي 
قلنا بترغي
مشينا عليها
شفنا عينيها
قالت :حكاية
زى رواية
قالت :
كنت أدور علي حنطور
نازلة وأجري زى وابور
واللي شايفني يقول سنور
مشي ورايا ولد غندور
عينه بتدمع ونافخ الكور
رابط حزامه
وشاد إلجامه
واللي يشوفه
يقول هيجور
هو في دنيا
وأنا في دنيا
أما دموعه
بنجري بحور
نازل يبـــكي
يا عيني يا كبدي
منزل دردي
قلت أشوفــه
وأقوله يهون
لما سألتـــــه
خد عل خاطره
دل اجفونــــــه
وغطي عيونه
قال :أما عجيبة
الدنيا تغـــــــور
ناس عريانة
ما لاقيه ملايــــة
فوق أجسادها
مفيش هـــدوم
عايشه بترسم
وعامله نمور
والكذاب ليه في الجور
أما صاحبنا :
طالع لرزقه
تارك أمـــــه
وطفل يموت
أما مرآته
اركبها جنانها
كَلها الديب
وبلعها الحوت
بدها تبقي كالكتكوت
أو حابيه فالعنقود
واللي عايزها
يكون هلفوت
عقله معــــيب
وعامل حـــوت
عايشه في غابة
ومعاشره قرود
نسيت إن الدنيا تفاني
فيها الحلو وفيها الذوق
فيها المر واللي كايدنا
واللي ماشي
علي الكد يا دوب
*****
مال الدنيا أتقلبت ليه
صبحت هرج كلها مرج
حد يقولي نعمل إيه ؟
لما الأم تسيب عيالها
وتطلع تسرح علي موالها
واللي يعارض يبقي عداها
العصفورة هزت راسها
قالت :أسفي يا صاحبي
دنيا وبقيت للناس عاهرة
بقلمي //سيد يوسف مرسي