ليه يا خالتي
أختي أمي تبقي خالتي
شيء طبيعي من غير مزايدة
بالملامح بالسلوك ولما تشد
وترن ساعتي
لما تفرح ، لما تغضب ،لما تضحك
أو لما تحكي وتجي جنبي
الولاد هما ولادها
واحد أخويا من أبويا
والثاني ندي وأبن خالتي
واللي بعده من نفس نسلي
ند أبويا ويبقي ...عمي
جدنا عاش هنا زمان
ماسك عروبته مهواش أفندي
علي الكتاف حاطط عبايه
لابس عمامه ومغطي راسه
جو الصحاري عنتر زمانه
راكب حصانه وحامي أرضه
جردوه من قعده حلوه
ولبسوه من غير ملابسه
لبسوه زعبوط محنتك
وخلوه واحد أونطي
لما مات مات بخنجر
وشرحوه بمشرط تمرجي
***
ليه يا خالتي ....؟
خشوا بيتنا أو خشوا بيتك
فين أخويا وابن عمي
فين صديقي وابن خالتي
ما إحنا كنا عايشين تمام
ونطلع ونرعى كالحمام
من المحيط حتى الخليج
حتى فارس عايش معانا وفي سلام
لما غراب يتعدى حده
يعبر حدودنا فوق الجبال
الجوارح تأخذ مكانها
وإن كان بوده يكون سيام
مش ممكن يفوت أو حتى يعدي
يبقي الخراب يعم البلاد
نقطع له رجله ونسوي حده
***
ليه يا خالتي ...؟
أرضنا صارت خراب
والغراب نازل نعاق
كم مدينة صارت رماد
كم حزينة تحت التراب
ولما اقولك تقولي هدي
ليه يا خالتي كل المصاب
شفتي بعينك فين الحبايب
شفتي بعينك بحر الرشيد
بحر غاضب ما له حبيب
ما بقي صاحب ولا حبيب
وإن حكينا حكانا معيب
ونبقي تهمه والنار تزيد
***
ليه يا خالتي
كل يوم لينا وزير
في الطيارة ونازل يطير
يقضي الليلة نضيف متشفي
وبعد الليلة نشوفه نكير
قسما بالله هذا كتير
لسه امبارح قالوا أمين
وعلقوا لافتة بين حطين
كيلوا الرز بربع العشرة
أما السكر بكام مليم
نجيب غيره أحسن منه
عارف يخطي وخالي سِمُه
عايش في عيد
ونازل يقيد
والبنزين مش لا زم يزيد
وكيلوا اللحمة هيكون الإيد
من خير بلادنا كله يفيد
لحم حماره أو فرخاية النار بتقيد
سجل نفسك جو القيد
أصل الدفتر ليه مواعيد
آه لو فتك قطر عزيزنا
رحت في داهية ومت اكيد
سامعة يا خالتي .! ولا طرشانه
بكره نكمل ألف حكاية
أنتظرني
بقلم //الشاعر :سيد يوسف مر
ليست هناك تعليقات:
إرسال تعليق