(لو بدك )
لو بدك تكون في القلب
وتفتح لعينك باب
أو تجعل لصورتك حجرة
وتكتب حروف اسمك بهواك
وتسكن تحت ضلوع القلب
وتبني قصر حبك في سماك
وتخلي كرسي جلوسك
فوق وريد القلب
أحلف وأقسم يمين
ويشهد علينا خالق الخلق
أنا اللي كتبت أسمك
في دفاتر روحي
وقفلت عليك الضلوع والصدر
وحلفت إنك تكون ليه
ما تكون لغيري ولا أي حد
علي الزمان لو طال
حتي يقوم الحشر
مهما لقيت مهما حصل
أو صابك أرق أو قهر
أو هزتك في يوم ريح
أو رعشك برد الشتا رعش
هاتظل في العين وفي النني
وهانقبوا حديث العصر
أو عرق فيك الجبين
من طول أنتظارك وعصر توبك عصر
وها يبقي السبب مجهول
أو مت بضربة شمس
أنا برضه هااكون خالصة
ولا يمكن أخالف عهد
أو أبيع قلبي في يوم
لحجر أو واحد عديم الحس
ولا يمكن يموت ضميري
وامشي بلا روحي
واهوي كلام معسول
وامضي حياتي نحس
لا زم تكون عارف
إن القلوب أرواح
روح تهواها الملامح
ورح تتحس كأنه من العس
إياك تفارق وتمشي
وأنا اللي رسمتك صورتك
جو الفؤاد بالنحت
رجلي علي رجلك
حتي لو طال بينا الزمان
ونادانا المنادي في يوم الحشر
بقلمي// الشاعر : سيد يوسف مرسي
ليست هناك تعليقات:
إرسال تعليق