( فارس ) للشاعر حسن توفيق عبد المطلب

....... فــــــارس ........
=============
أيوة فــــــــارس ..
على حبة حروف
أنده عليها ترد عليّا
تترَص قدّامى ..
تلمس إيديا
هىّ فهمانى ..
وحاسة بيّا
ف الفرْح فرحانة
ف الحزن إنسانة
لمّا أنساها ..
تبكى بالساعات ..
ف الحلم موجودة ..
ف العلم محسودة
أزْرَع وردها ..
واحصد عطرها
ماشى ألقى حواجز
ع الطريق
أقول بسم الله ..
وأخطيها
أيوة فارس ..
على حبة ألوان
اللون الأخضر ..
عاشق رسمتى
اللون الأبيض ..
لون قلبك يا فجر
واللون الباهت
غلاف قصتى
سنابل القمح ..
فى برد الشتا
والزمن قاسى ..
على وحدتى
---------------------
حسن توفيق