(يا حاج شعبان ) للشاعر حسن توفيق عبد المطلب

......... ياحاج شعبان .........
================
ياللى كنت الأخ والصديق
وقلب الفرَج وقت الضيق
كنت الخال مصاحب الحال
وكنت الأب لنهر الحب
الضحكة دى طبيعية
والبسمة دى إنسانية
الكرم مزروع فى أرضك
والهرم مبنى من صبرك
اتحملت أوجاع الألم
لما جف الحبر م القلم
ماشى ورايح دار الحق
مفارق الأهل والأحباب
سايب الوجع ف الضلوع
الموج عالى ف بحر الدموع
أوراق الشجر حزينة
ضلوع الحجر مكسورة
ِوش النهار اصفر لونه
والسحاب خايف من لونه
والأرض بتبكى ع للى راح
والتراب بكل الحب باح
رايح عند امى وابويا
سلم لى على أخويا
إحنا هنا وانت هناك
ياللى عملك راح معاك
--------------------------
إبنك وأخوك وصديقك
حسن توفيق
2016/1/22