مشاغبات بين هو وهي
اللي بيحب المشاكل يساجلني هههههههههههه
.
.
لما يكون الشعر العامي
هو رسالة لخالي وعمي
يبقى هنكتب يوم والتاني
من غير حرقة دمه ودمي
.
.
نكتب عامي لكل الناس
بقلوب بيضا وروح م الماس
وعقول قادرة تفكر تنتج
دا الإنتاج لبلادنا أساس
.
.
فصحي وبالعامية هقول
ف المنتدى أقلام وعقول
بينهم كل محبة جميلة
والتقدير بينهم دا رسول
كان هذا مفتتح السيجال من الأستاذة الشاعرة فوزية شاهين بقناديل الفكر والأدب
@@@@@
أ/ فوزية شاهين
فينك يا اللي هتيجي تساجل
ست وعاملة كأنها راجل
لما هتغضب هنا هتلاقي
ألف قتيل في النبأ العاجل
هههههههههه
@@@@@@
الشاعر// سيد يوسف مرسي
لما يكون الشــــــــعر العامي
ويبقي رسالــــــــــة ليه وليك
ويبقي الوجه التاني ويجمعنا
وسكة وحيدة مش ألف طريق
ولسان بؤي وبؤك واحـــــــد
واللي يخرب فيه يبقي عنيد
منه الكلمة بتطلع حلـــــوة
واللي مش عارف يقول لكاليك
تفهمه أنت والجهــــــــــلان
واللي متعلم يقر أكيـــــــد
عارف إنه الشعر دهه
هو السكة من غير تعاقيد
واللي هايجي يتفـــــضل
أحنا معاه حتي العيد
ونسعد بيه سعادة كبيرة
أصل إمبارح شوفته قريب
أدي الباب مفتوح علي عقبه
وبنت شاهين تسلم من السين
قالت قوله بألـــــف دولار
كان مقصودها النبأ العاجل
للي هايجي ويكتب شين
@@@@
الشاعر //سيد يوسف مرسي
ست أصيلة وكلها زوق
قالت كلمة من غير بوق
فتحت سكة وعملت مطرح
للغرقان وعنده الشوق
*****
أوعي يا خلي يغرك إنها حرمة
فارس وله وراكب المهرة
سيفها يا خلي له حدين
واحد وحْش واحد زين
واللي يساجلها يبقي قرين
عنده الحنكة وله كفين
يضرب ضربه تهد الحيل
ويخليها تقول أنا فين
هههههههه
@@@@@@
الأستاذة فوزية شاهين
خيرا لقيت حد يساجلني هههههههه
العامية دي لغة الشعب
غني وفقير وكبير أو شب
لو مش فاهم قولي ادعيلك
وأدعيلك تفهما .. يااارب هههههههههه
@@@@@@
الأستاذة فوزية شاهين
مين قالك على دارنا تفوت
وتصوصو زي الكتكوت
جي بتفرد قوي في جناحك
شكلك ناوي تدوق الموت
.
ههههههههههههههههههه
@@@@@
أ/ فوزية شاهين
تحية كبيرة للشاعر الكبير سيد يوسف
خافوا يدخلوا يساجلوني هههههههههه
بصراحة أعجبتني شجاعتك
بارك الله فيك أخي الفاضل
@@@@@
الشاعر //سيد يوسف مرسي
كنا زمان نرمي شباكنا
مش فالترعة أو فالنقرة
قدام بتنا أو جنب السكة
ولما نصيد نصيد زرازير
نلعب بيها وننتف ريشها
ونأكلها للقطاقـــــــــيط
*******
أصل السكة ديه تبعنا
مش متعود أمشي بعيد
شفت امبارح أرنبه سارحة
نازلة تصوص وعملت ديك
فاكره إن الدنيا خلاوي
واللي سامعها ناولها أكيد
ربنا يستر وتشوف حالها
قبل يعرف ابن الديك
@@@@@@@
الدكتور /جمال مرسي عميد قناديل الفكر والأدب
جالك إللي يشد شعورك
و يطفيلك لمبة نورك
عايزة تساجلي تعالي لعمو
راح أدوارهم و فاضل دورك
**
عارف إنك ست عفيّه
رزك حلو مع التقليه
ممكن تعملي طبخة تجنن
لما آكلها أخف شويه
**
بس عموما خدي معلومه
أنا من كتر ما بلعب زومه
صرت عنيد و دماغي دي ناشفه
ما اتأثرش بأي عزومة
:
:
يا رب تكون كلماتي دي مفهومه !!
******
خد لك جنب يمين يا سي سيد
روح تحت الجميزة و مدد
لازم تاخد درس الأول
ازاي تضرب و لا تتهدد
*******
عاملالي راجل و بشنبات
أومال فين ست الستات
الرجوليه و ليها اصحابها
ما فيهاش شغل 3 ورقات
@@@@@
دكتور / جمال مرسي
شعر الفصحى مع العامية
دول بكتبهم مية المية
بس ما جاتش الفرصة بتاعتي
علشان غيري عاملها تكيه
***
ناس وصوليه و بهلوانات
يمسحوا جوخ و بتوع ستات
قال فاكرين الشعر فكاكه
مش موهبة و كمان دراسات
***
و الألقاب آه م. الألقاب
بيرشوها على الأحباب
و اللي بيدفع ليهم أكتر
يبقى أمير و مهوش نصاب
***
ودي مهزلة و تجيب الغصة
لما تلاقي ست بقُصة
ما بتعرفش تقول و لا كلمه
قاعدة أميرة ف. كل منصه
***
شوفت امبارح ف. اليوتيوب
شاعر يكتب بالشقلوب
شعر مكسر ، معنى مكدر
و لا فيه صوره تهز قلوب
***
و بيتنطط كالأراجوز
و اما بيزعل يضرب بوز
قال ضيعنا عليه إلهامه
علشان قلنا على البيه ( كوووز )
@@@@@@
الشاعر //سيد يوسف مرسي
جينا والقلب مفتوح
وبدنا نقدم كلامي
موضوع لقيناه مطروح
والأمر كان لينا أطراري
*****
وله ياعمي كلام معقول
فين القدرة وفين الفول
جاي تطبخها وتعمل غول
خدلك جانب من الدبور
********
أصبر ياعمي وخليك صبور
حسبة ما تعرف قرايب
لو سكت تبقي مشكور
وتبقي بعيد عن كل المصايب
*****
أيام بتلف وتدور
وشفنا فيها العجايب
ست عامله غندور
وقالت كلام من الغرايب
*****
عرفينك يا عم ما منكور
لازم تحسب خطاوي
القول ما هوش نذور
ولا يبقي عالراس بلاوي
*****
القول عندنا ليــــــه نول
وفي أرضنا خضر مقاتي
نقول وانكُر كالـــــــرول
إياك تنــــــــــكر مجاتي
*******
إياك ياعمي في يوم تتغر
دنيا ملابسة هدوم
السمك لما يتصاد ينجر
ويدعوا عليه الخلق عزوم
@@@@@
دكتور جمال مرسي
عمري ما كنت ف. يوم مغرور
يعلم كل صغير و كبير
يعلم ربي و هو الخالق
عبد ضعيف عضمه مكسور
***
أما السمك اللي بيتصاد
مش أنا طبعا و لا بانقاد
رأيي الحر بقوله من راسي
من غير عين و لا سين و لا صاد
***
أما الشعر دا برضو أصول
وزن و معنى و فن و قووول
عمره ما كان كلمات مرصوصه
أو منسوجه من غير نوووول
@@@@@
الشاعر سيد يوسف مرسي
كلامك اليوم مفهوم
والواو له أصوله
زرعناه في وقت معلوم
واللي قلته ما تخفي أصوله
*******
أول ما ابتــــــــــــــــدي
أبدأ بـــــــــــــــــذكر الله
وأخشي أخاف أعتدي
والباغي علــــــيه الله
*****
حرمة قالت ومشيت
ومفيش عليها غبار
جايز تكون غشيت
أو زاد عليها العيار
*****
الحرمة لو قالت
ما فيه عليها لوم
جايز تكون عانت
فعملت أسد له زوم
******
الحرمة عندنا تتصان
ولا حد يروح عليها
حتي لو كانت بلا حصان
عزمها فدموع عينيها
********
بدنا قول لا نلوم ولا نهدد
ولا جينا نقطع وصايل
وإللي ليه رغبة يحدد
ويرمي لينا سقــــــايل
*****
يا دنيا مالك تغري
خليتي العزيز واطي
كان لازم تعدي وتمري
ولا ينول الخسيس منك معاطي
*****
قالوا الكبار قوله
من زمان منهم حفظناها
العلم مش بالكولة
العلم دروس فهمناها
******
كل التحية والتقدير والاعتزاز
للشاعرين الكبيرين
أستاذنا وعمنا الجليل وشاعرنا المقدر د.جمال مرسي
وأستاذتنا الشاعرة السامقة أ/ فوزية شاهين
لكم منا جليل التقدير وعظيم الشكر
لسعة صدركما ورحاب كرمكما وبوح وثراء عطائكما
سيد يوسف مرسي (الجُهَني )
@@@@@@
دكتور جمال مرسي
فينك يللي رميتي حجاره
في الراكد و عملتي الغاره
و فتحتي باب ما بينسدش
و لا بوابة أي عماره
وانتهي السيجال بحمد الله
اللي بيحب المشاكل يساجلني هههههههههههه
.
.
لما يكون الشعر العامي
هو رسالة لخالي وعمي
يبقى هنكتب يوم والتاني
من غير حرقة دمه ودمي
.
.
نكتب عامي لكل الناس
بقلوب بيضا وروح م الماس
وعقول قادرة تفكر تنتج
دا الإنتاج لبلادنا أساس
.
.
فصحي وبالعامية هقول
ف المنتدى أقلام وعقول
بينهم كل محبة جميلة
والتقدير بينهم دا رسول
كان هذا مفتتح السيجال من الأستاذة الشاعرة فوزية شاهين بقناديل الفكر والأدب
@@@@@
أ/ فوزية شاهين
فينك يا اللي هتيجي تساجل
ست وعاملة كأنها راجل
لما هتغضب هنا هتلاقي
ألف قتيل في النبأ العاجل
هههههههههه
@@@@@@
الشاعر// سيد يوسف مرسي
لما يكون الشــــــــعر العامي
ويبقي رسالــــــــــة ليه وليك
ويبقي الوجه التاني ويجمعنا
وسكة وحيدة مش ألف طريق
ولسان بؤي وبؤك واحـــــــد
واللي يخرب فيه يبقي عنيد
منه الكلمة بتطلع حلـــــوة
واللي مش عارف يقول لكاليك
تفهمه أنت والجهــــــــــلان
واللي متعلم يقر أكيـــــــد
عارف إنه الشعر دهه
هو السكة من غير تعاقيد
واللي هايجي يتفـــــضل
أحنا معاه حتي العيد
ونسعد بيه سعادة كبيرة
أصل إمبارح شوفته قريب
أدي الباب مفتوح علي عقبه
وبنت شاهين تسلم من السين
قالت قوله بألـــــف دولار
كان مقصودها النبأ العاجل
للي هايجي ويكتب شين
@@@@
الشاعر //سيد يوسف مرسي
ست أصيلة وكلها زوق
قالت كلمة من غير بوق
فتحت سكة وعملت مطرح
للغرقان وعنده الشوق
*****
أوعي يا خلي يغرك إنها حرمة
فارس وله وراكب المهرة
سيفها يا خلي له حدين
واحد وحْش واحد زين
واللي يساجلها يبقي قرين
عنده الحنكة وله كفين
يضرب ضربه تهد الحيل
ويخليها تقول أنا فين
هههههههه
@@@@@@
الأستاذة فوزية شاهين
خيرا لقيت حد يساجلني هههههههه
العامية دي لغة الشعب
غني وفقير وكبير أو شب
لو مش فاهم قولي ادعيلك
وأدعيلك تفهما .. يااارب هههههههههه
@@@@@@
الأستاذة فوزية شاهين
مين قالك على دارنا تفوت
وتصوصو زي الكتكوت
جي بتفرد قوي في جناحك
شكلك ناوي تدوق الموت
.
ههههههههههههههههههه
@@@@@
أ/ فوزية شاهين
تحية كبيرة للشاعر الكبير سيد يوسف
خافوا يدخلوا يساجلوني هههههههههه
بصراحة أعجبتني شجاعتك
بارك الله فيك أخي الفاضل
@@@@@
الشاعر //سيد يوسف مرسي
كنا زمان نرمي شباكنا
مش فالترعة أو فالنقرة
قدام بتنا أو جنب السكة
ولما نصيد نصيد زرازير
نلعب بيها وننتف ريشها
ونأكلها للقطاقـــــــــيط
*******
أصل السكة ديه تبعنا
مش متعود أمشي بعيد
شفت امبارح أرنبه سارحة
نازلة تصوص وعملت ديك
فاكره إن الدنيا خلاوي
واللي سامعها ناولها أكيد
ربنا يستر وتشوف حالها
قبل يعرف ابن الديك
@@@@@@@
الدكتور /جمال مرسي عميد قناديل الفكر والأدب
جالك إللي يشد شعورك
و يطفيلك لمبة نورك
عايزة تساجلي تعالي لعمو
راح أدوارهم و فاضل دورك
**
عارف إنك ست عفيّه
رزك حلو مع التقليه
ممكن تعملي طبخة تجنن
لما آكلها أخف شويه
**
بس عموما خدي معلومه
أنا من كتر ما بلعب زومه
صرت عنيد و دماغي دي ناشفه
ما اتأثرش بأي عزومة
:
:
يا رب تكون كلماتي دي مفهومه !!
******
خد لك جنب يمين يا سي سيد
روح تحت الجميزة و مدد
لازم تاخد درس الأول
ازاي تضرب و لا تتهدد
*******
عاملالي راجل و بشنبات
أومال فين ست الستات
الرجوليه و ليها اصحابها
ما فيهاش شغل 3 ورقات
@@@@@
دكتور / جمال مرسي
شعر الفصحى مع العامية
دول بكتبهم مية المية
بس ما جاتش الفرصة بتاعتي
علشان غيري عاملها تكيه
***
ناس وصوليه و بهلوانات
يمسحوا جوخ و بتوع ستات
قال فاكرين الشعر فكاكه
مش موهبة و كمان دراسات
***
و الألقاب آه م. الألقاب
بيرشوها على الأحباب
و اللي بيدفع ليهم أكتر
يبقى أمير و مهوش نصاب
***
ودي مهزلة و تجيب الغصة
لما تلاقي ست بقُصة
ما بتعرفش تقول و لا كلمه
قاعدة أميرة ف. كل منصه
***
شوفت امبارح ف. اليوتيوب
شاعر يكتب بالشقلوب
شعر مكسر ، معنى مكدر
و لا فيه صوره تهز قلوب
***
و بيتنطط كالأراجوز
و اما بيزعل يضرب بوز
قال ضيعنا عليه إلهامه
علشان قلنا على البيه ( كوووز )
@@@@@@
الشاعر //سيد يوسف مرسي
جينا والقلب مفتوح
وبدنا نقدم كلامي
موضوع لقيناه مطروح
والأمر كان لينا أطراري
*****
وله ياعمي كلام معقول
فين القدرة وفين الفول
جاي تطبخها وتعمل غول
خدلك جانب من الدبور
********
أصبر ياعمي وخليك صبور
حسبة ما تعرف قرايب
لو سكت تبقي مشكور
وتبقي بعيد عن كل المصايب
*****
أيام بتلف وتدور
وشفنا فيها العجايب
ست عامله غندور
وقالت كلام من الغرايب
*****
عرفينك يا عم ما منكور
لازم تحسب خطاوي
القول ما هوش نذور
ولا يبقي عالراس بلاوي
*****
القول عندنا ليــــــه نول
وفي أرضنا خضر مقاتي
نقول وانكُر كالـــــــرول
إياك تنــــــــــكر مجاتي
*******
إياك ياعمي في يوم تتغر
دنيا ملابسة هدوم
السمك لما يتصاد ينجر
ويدعوا عليه الخلق عزوم
@@@@@
دكتور جمال مرسي
عمري ما كنت ف. يوم مغرور
يعلم كل صغير و كبير
يعلم ربي و هو الخالق
عبد ضعيف عضمه مكسور
***
أما السمك اللي بيتصاد
مش أنا طبعا و لا بانقاد
رأيي الحر بقوله من راسي
من غير عين و لا سين و لا صاد
***
أما الشعر دا برضو أصول
وزن و معنى و فن و قووول
عمره ما كان كلمات مرصوصه
أو منسوجه من غير نوووول
@@@@@
الشاعر سيد يوسف مرسي
كلامك اليوم مفهوم
والواو له أصوله
زرعناه في وقت معلوم
واللي قلته ما تخفي أصوله
*******
أول ما ابتــــــــــــــــدي
أبدأ بـــــــــــــــــذكر الله
وأخشي أخاف أعتدي
والباغي علــــــيه الله
*****
حرمة قالت ومشيت
ومفيش عليها غبار
جايز تكون غشيت
أو زاد عليها العيار
*****
الحرمة لو قالت
ما فيه عليها لوم
جايز تكون عانت
فعملت أسد له زوم
******
الحرمة عندنا تتصان
ولا حد يروح عليها
حتي لو كانت بلا حصان
عزمها فدموع عينيها
********
بدنا قول لا نلوم ولا نهدد
ولا جينا نقطع وصايل
وإللي ليه رغبة يحدد
ويرمي لينا سقــــــايل
*****
يا دنيا مالك تغري
خليتي العزيز واطي
كان لازم تعدي وتمري
ولا ينول الخسيس منك معاطي
*****
قالوا الكبار قوله
من زمان منهم حفظناها
العلم مش بالكولة
العلم دروس فهمناها
******
كل التحية والتقدير والاعتزاز
للشاعرين الكبيرين
أستاذنا وعمنا الجليل وشاعرنا المقدر د.جمال مرسي
وأستاذتنا الشاعرة السامقة أ/ فوزية شاهين
لكم منا جليل التقدير وعظيم الشكر
لسعة صدركما ورحاب كرمكما وبوح وثراء عطائكما
سيد يوسف مرسي (الجُهَني )
@@@@@@
دكتور جمال مرسي
فينك يللي رميتي حجاره
في الراكد و عملتي الغاره
و فتحتي باب ما بينسدش
و لا بوابة أي عماره
وانتهي السيجال بحمد الله
ليست هناك تعليقات:
إرسال تعليق