بقلم/مصطفى الشاعر مصطفي المحمدى قولى ازاى

بقلم/مصطفى الشاعر مصطفي المحمدى

قولى ازاى
اكون حبك
اكون جنبك
وفجأة الاقيك
تقول مش جاى
متقولى ازاى

بنادى عليك فتسمعنى
فراقك ليا يوجعنى
زمان كنت اما بندهلك
وانت بعيد بترجعلى
وفجأة الاقيك
تقول مش جاى
فهمنى ازاى

فاكر زمان
فى أعدة شاى
وبسكوتة وحدوتة
وأغنيلك وتسمعنى
وتطلب مني الحن لك
كامنجة وناى
وفجأة الاقيك
تقول مش جاى
فهمنى ازاى

فاكر زمان وقت الصلاة
وكنت اكون انا الامام
وكنت انام
وانت فى حضنى
وبرضة اشوفك فى المنام
طير غريب
وفى حضنى حس بأنسجام
وترجع تانى
تقول مش جاى
متقولى ازاى

سكوتك دة مع دموعك
حاسك موجوع وبتعانى
وانا زيك اكيد تعبان
وقرارك فاتنى وحدانى
اقولك اية واعيد لك اية
انا همشى خلاص مش جاى
والى فاضلى من ريحتك
كامنجة وناى